Berangoko Udalak udaletxearen kontrako erasoaren ondoren komunikatu bat
ezagutarazi du
BERANGO.- Berangoko Udaleko Bozeramaileen Batzak, 2007ko urtarrilaren
12an eginiko batzarrean, EAJ-PNV, EA, PSE-EE, PP eta EB alderdiek
osatzen dutena, udaletxearen kontra atzo egindako erasoa dela-eta
komunikatu bat ezagutarazi du. Honetan, ordezkari politikoek
"Udalerriko ondasun kontra egindako eraso biolentoen aurka" agertzen da
eta "era honetako jokabideak baztertzen dituela" adierazten du. Era
berean, Udalak "Euskadin elkarbizitzaren normalizazio prozesuan
aurrerapausuak emateko, ezinbestekoa dela giza eskubideak errespetatzea
eta jokabide demokratikoekin jardutea" azpimarratzen du eta "gatazka
oro konpotzeko ezinbestekoa dela elkarrizketa"azaltzen du.
|
|
|
|
Motorrek sortutako zaratak auzokoen protestak sortarazten jarraitzen du
GETXO.- Bizitza Kalitatearen Defentsarako Elkarteak, Adecavi, Getxoko
auzokoek egindako kexa nagusiak motorrengatik izaten jarraitzen direla
baieztatzen du. Elkarte honen arabera, ibilgailu hauek sortutako
kutsadura akustikoa ez da asko aldatu pasadan irailean motorra duten
ibilgailuen zarata arautzeko udal ordenantza berria martxan jarri
zenetik. Adecaviko abokatuaren arabera, Alfonso Terceño, “ordenantza
aldatu egin zen baina ez da ezartzen. Oraindik kexa ugari ailegatzen
zaizkigu trafikoaren zaratagatik eta, konkretuki motorrek
sortutakoagatik”.
|
|
|
|
Udalak eta Getxoko Taxilarien Elkarteak elkarkidetza hitzarmenbat
sinatu dute
 |
GETXO.- Zerbitzu publiko hobeagoa eskaintzea da 2006. urtearen amaieran Udalak eta Getxoko Taxilarien Elkarteak sinatutako hitzarmenak duen helburu nagusia. 8.414 eurotako dirulaguntza emango du Udalak eta hitzarmena urte baterako izango da (eta lau urtetarako izateko luzatu ahal izango da). Hitzarmenaren arabera, 46 taxilarik osatzen duten elkarteak udal komunikazio eta turismo sailen eta Kultur Etxearen eskuetan jarriko dute ibilgailuen ateetan eramaten duten publizitatea, herritarrei zenbait mezu edo informazio interesgarri igorri ahal izateko. Era berean, taxilariek Udaltzainei eta Babesgo Zibilari trafikoaren, istripuen eta abarren ganeko informazio-laguntza eskaintzeko konpromisoa hartu dute.
|
|
|
|
|
|
|
|
Berangoko Udala molotov koktelekin erasotu dute
BERANGO.- Ezezagunek bi molotov koktel bota zituzten Berangoko Udalaren
kontra. Koktelek eraikin berdinean kokatuta dagoen Udaltzaingoaren
egoitzaren kontra jo zuten, honek zenbait kalte jaso zuelarik, Barne
Ministeritzak informatu zuen arabera. Erasoa gaueko 21:45ean izan zen
eta lehergailuek Udaltzaingoko bulegoen leihoan eta leiho-atean egin
zuten kalterik handiena. Egoitzaren barruko gunea belztuta geratu zen.
Suhiltzaileek sutearekin amaitu zuten eta ez zen sauriturik ezta
atxiloturik ere egon.
|
|
|
|
50.000 pertsona hurbildu ziren Getxolandiara
 |
GETXO.- Getxolandiak, Getxoko Udalak Areetan gabon guztietan kokatzen
duen Umeentzako Parkea, 50.000 pertsonen bisita jaso du. Zerbateko hau
pasadan urtean izandakoaren antzekoa da, baina azpimagarria izan da
aurten irristatzeko pistak izan duen harrera ezinhobea. Pistak 13.000
pertsona erakarri zituen kokatuta egon den lehenengo edizio honetan.
Irristatzeko gunea Santa Eugeniako Plazan (Erromon) egon zen kokatuta
eta leku berean aurpegia margozteko eta esku lanen tailerrak antolatu
ziren. Erromoko karparen azalera 300 m2koa izan zen, Areetako Geltokiko
Plazaren karparen azalera 2.500m2koa zen bitartean. Metro alboan
kokatutako karpan, bisitariek egun horietarako jarritako 10
atrakzioekin gozatu ahal izan zuten.
|
|
|
|
Ereaga eta Portu Zaharrak batzen dituen pasealekuaren obrak datorren
udan amaituko dira
 |
GETXO.- Uda honetan Algortako Portu Zaharraren eta Ereagaren arteko
pasealeku berritik ibili ahal izango da. Ibiltokiko zabaltze lanak
pasadan uztailean hasi ziren eta “erritmo onean burutzen ari direla,
aurreikusten zen bezala”, baieztatu zuten udal iturburuek. Hirigintzako
arduradunek aurreikusitako epeak betetzearen aldeko apostua egiten
dute. Pasealeku berriak 300 metro baino gehiagoko luzeera izango du eta
zabaleran lau metro irabaziko dizkio itsasoari. Honekin, bideak 1.200
metro karratu gehiago lortuko ditu. Proiektu hau, bi milioi euro baino
gehiagoko aurrekontua duena, egungo legislaturaren ekimen
nagusienetariko bat da.
|
|
|
|
|
|
|
