Getxoko Bidezko Merkataritza eta Kontsumo Arduratsuaren II. Astea
2008-05-09 10:44:18
GETXO.- Getxoko Udaleko Garapenerako Lankidetza Arloak eta Emaus Fundazioak Getxoko Bidezko Merkataritza eta Kontsumo Arduratsuaren II. Astea antolatu dute, gaurkorako Algortan eta 12tik 16ra Erromon eta Areetan. Ekimenaren kostua 23.955 eurokoa da eta horietatik Udalak 14.000 euro ipini ditu, 2007. urteko diru laguntzen deialdiaren bitartez. Ekimenaren helburua Bidezko Merkataritzaren eta Kontsumo Arduratsuaren garantzia ezagutaraztea da, irizpide ekonomikoen aurrean, balio etikoak, sozialak eta ekologikoak ere aintzat hartzen baititu.
Imprimatu
Informazio gehiago
Leioako Pinuetako auzoak bere X. Nekazaritza Azoka ospatuko du igandean
2008-05-09 10:06:37
LEIOA.- Urtero legez, Leioako Pinueta auzoan bertako X. Nekazaritza Azoka ospatuko da igandean, maiatzak 11. Leioa zein inguruetako baserrien produktu onenak dastatzeko eta erosteko aukera izango da. Guztira 28 ekoizle eta 40 postu izango dira azokan haien produktuak eskaintzen eta aurkezten. Pinuetako X. Nekazaritza Azoka 10:00etatik 14:00etara arte izango da zabalik. Denbora honetan, bisitariek, baserriko produktuak dastatu eta erosteaz gain, hainbat erakusketa ikusteko aukera izango dute, besteak beste, baserriko abereen erakusketa eta zaldi zein idi ferraketa, hau guztia trikitixaren musikaz girotuta.
BARRIKA.- Bilbao Bizkaia Kutxa Fundazioak eta Bizkaiko Abesbatzen Elkarteak (BAE) antolatutako XXIX. BBK Abesbatzen kontzertuen egutegia aurrera doa. Horrela, datorren larunbatean, maiatzaren 10ean, Mundakako eta Udalen (Amorebieta-Etxano) Abesbatzen ahotsak Barrikako Andra Mari Elizan egongo dira, arratsaldeko 19:00etatik aurrera. Mundakako Abesbatza ahots mistoen abesbatza da, 1979an sortu zen, parrokiako abesbatza oinarri. J.M. Egileor zena izan zen zuzendaria. Udaberriko Kontzertuetan, Bizkaiko Abesbatzen Astean… parte hartzen du. Era berean, San Vicente de la Barqueran, Torreviejan, ere eskaini ditu kontzertuak. Abesbatzen eliz eta herri musika lantzen du. Jose Antonio Lozano zuzendaria hil ondoren, Gaizka Lozano semea da gaur egungo zuzendaria.
Imprimatu
Informazio gehiago
Getxok “Gizarte Zerbitzuen Zorroa” abian jarri du
2008-05-09 08:21:10
GETXO.- Getxoko Udala da Euskadin “Gizarte Zerbitzuen Zorroa” egin duen lehenengo udalerrietako bat, Eusko Jaurlaritzak Gizarte Zerbitzuen Legean dituen aurreikuspenen aurretik kokatuz. “Zerbitzuen erabiltzailerentzat eta hartzaile izan daitezkenentzat tresna erabilgarria izan daiteke, zerbitzuen beraien ezaugarriak eta baldintzak, kexak aurkezteko sistemak, hartzaileen profilak eta abar ezagutzera ematen dituelako. Bestalde, kalitate kudeaketarako sistemak ezartzeko baldintza beharrezkoa da” azaldu du gaur Elena Coriak, Gizarte Zerbitzuetako zinegotziak.
Imprimatu
Informazio gehiago
“Itsasoratzea” programak Kirol-ontzien Patroi ikastaroak eskainiko ditu
2008-05-08 13:15:53
GETXO.- Getxoko Turismo Bulegoako “Itsasoratzea” programak Kirol-ontzien Patroi (PER) izeneko titulua lortzeko ikastaroak barne hartzen du. Uztaila eta abuztuan egingo diren ikastaro hauek 6 egunekoak izango dira, astelehenetik larunbatera, 850 euroko prezioa izango dute (885 irratiko derrigorreko praktikak eginez gero) eta ez da beharrezkoa aldez aurretik eskarmenturik edukitzea ez eta itsasoan ibili izana. Horrez gain egitazmoak iraupen desberdinetako belaontzi irteerak jasotzen ditu euskal geografiako portu eta herri arrantzaleak beste ikuspegi batetik ezagutzeko aukera ematen dituzte. Itsas ibilbidea Getxon hasten da astelehen goizetan eta Hondarribia arteko itsasaldia egiten da, egun bakoitzen portu desberdinetan lo eginez, larunbatean Getxora iristeko.
Imprimatu
Informazio gehiago
Balea Parkeko haurrentzako jokoen hobekuntza
2008-05-08 11:33:05
SOPELANA.- Balea Parkeko haurrentzako jokoak hobetu eta moldatu asmoz bertan egingo diren lanak direla eta, parkea astebetez itxita egongo da datorren astelehenetik aurrera, hau da, maiatzaren 12tik aurrera.
Imprimatu
Sopelanako VI. Duatloia
2008-05-07 12:40:39
SOPELANA.- Javier García, munduko duatloi txapeldun-ordea, Laurent Galinier frantziarra eta Espainiako txapelduna den Félix Martinez izango dira Sopelanako VI. Duatloiko parte-hartzaile deigarrienetako zenbait. Datorren igandean, maiatzaren 11an egingo da froga, Hirubi-K Triatloi Kirol Elkarteak antolatu eta Sopelanako Udalaren babesaz, Bizkaiko Foru Aldundiak eta Euskadiko Triatloi Federazioak lagunduta. Euskadiko Duatloi txapelketarako puntuagarria da lehiaketa. Goizeko 10etan hasiko da, emakumezkoen lasterketarekin. Ordu laurden beranduago abiatuko dira gizonezkoak. Urtero legez, oinezko lasterketak 5.200 metro izango ditu, Sopelanako zirkuitoari bi bira emanez. Gero, txirrinduan 24,400 metro egin beharko dira Sopelana, Urduliz, Laukiz, Gatika eta Urduliz zeharkatuta Sopelanara itzuliz. Oinezko 2,600 metroko lasterketarekin amaituko da duatloia.
GETXO.- Getxoko Udaleko Laneko eta Garapen Ekonomikoko Zentroak, Behargintzak, enpresa kudeaketa hobetzeko programa berri bat abiatu du, udalerriko mikroete-ei, enpresa ertain eta txikiei, zuzendua. Programaren helburua da tokiko enpresei datuak babesteari buruzko araudiaren berri ematea, eta araudi horren zehaztasunei egokitzeko bidean gidatzea. “GETXO Adapta LOPD” hiru jarduketa-lerro nagusitan egituratzen da: informazioa, prestakuntza eta aholkularitza enpresei.
Imprimatu
Informazio gehiago
'Uribe Kostaren etorkizuna' tailerren emaitzak jarduera batean aztertuko dira
2008-05-07 08:43:45
URIBE KOSTA.- Uribe Kostako Mankomunitateak, AL 21 eta Berdintasuna, 2008ko maiatzaren 16an, Urdulizko Kultur etxeko ekitaldi aretoan (Aita Gotzon, 16bis, Urduliz) eztabaida-tailerrean: 'Uribe Kostaren etorkizuna: berdintasun eta iraunkortasunerako lurraldean' lortutako emaitzak aurkezteko jardunaldia egingo du. Jardunaldi hau NARO: berdintasunerako foroa topaketaren barruan kokatzen da. NARO urtero-urtero antolatzen du Emakundek, Emakumearen Euskal Erakundeak. NARO foroaren helburua erakundeak eta kolektiboak gizon-emakumeen berdintasunaren alde egiten ari diren lana biltzea, ikusaraztea eta indartzea da.
Imprimatu
Informazio gehiago
Munarrikolanda Mendi Taldeak Urbion mendilerroa igoko du
2008-05-06 13:18:59
SOPELANA.- Sopelanako Munarrikolanda Mendi Taldeak irteera berria antolatu du maiatzaren 11rako, igandea. Oraingoan, Urbion mendilerrotik ibiliko da eta izen bereko mendira igoera egingo du, 2.229 metrokoa, Soria eta Errioxa probintzien artean kokatuta. Covaleda herritik hasiko da txangoa, Sorian. Pinadien artean egingo da igoera azken haizarte arte. Jaitsiera errioxar isurialdetik egingo da, Urbion ibaiko haranatik Viniegra de Abajoraino. Zeharkaldia egiteko zazpi ordu eta erdi beharko dira, gutxi gora behera.
Imprimatu
Informazio gehiago
Haurrentzako udalekuak Gorlizen
2008-05-06 11:15:13
GORLIZ.- Gorlizeko Kultur Etxeak udarako udalekuak antolatu ditu 6 eta 12 urte bitarteko haurrentzat (1996 eta 2002 urte bitartean jaiotakoak). Uztailan eta abuztuan zehar goizeko 10:30etatik 14:00etara hainbat ekintza egingo dituzte partaideek, sokatira, zankoak, txingak, jockey, lokatzak, bodyboard, ur jolasak, eskalada, arku jaurtiketa edo xendazaletasuna besteak beste. Izena emateko epea maiatzaren 27ra arte egongo da zabalik. Pertsona bakoitzeko prezioa 40 eurokoa da erroldatuentzat eta 65 eurokoa bestelakoentzat. Familia ugaritsuek %15 eko deskontua izango dute.
Imprimatu
Informazio gehiago
Leioako Kaleko Umore Azoka maiatzaren 22tik 25era burutuko da
2008-05-05 11:23:11
LEIOA.- Leioako IX. Kaleko Umore Azokak 47 konpainia bilduko ditu maiatzaren 22tik 25era bitartean. Guztira, 160 emanaldi baino gehiago eskainiko dira jaialdian zehar eta 19 erabateko estreinaldiak izango dira. Antolatzaileek jakinarazi dutenez, jaialdiaren bederatzigarren edizioak Euskal Herriko 14 konpainia bilduko ditu, Espainiako 21 eta beste herrialde batzuetako 14. Gainera, azokak "harremanak egiteko, ideiak elkartrukatzeko, lanak erakusteko eta emanaldiak kontratatzeko" aukera "bakarra" eskainiko duela nabarmendu dute. Leioako Kaleko Umore Azoka sendotzen joan da azken urteetako edizioetan, "konpainia garrantzitsuen parte-hartzeagatik, hainbat obren estreinaldiagatik eta artista berriei euren lanak erakusteko aukera emateagatik".
Imprimatu
Artisautza Azoka eta Oskorri Banda Band-en kontzertua Sopelanan
2008-05-02 11:06:35
SOPELANA.- Sopelanako Udalak VIII Artisautza Azoka antolatuko du datorren maiatzaren 3an, Larrabasterrako enparantzan, goizeko 11:00etan hasita gaueko 20:00etara arte. Aurten 40 postu egongo dira, gehienak Euskal Autonomia Erkidekoak. Egun osoan zehar, bisitariek mota ezberdinetako produktuak erosteko aukera izango dute, alegia, bitxitegiak, osagarriak, larruzko produktuak, oihal pinturak, jokoak, zilargintza, zeramika, euskal ikurrak eta irudiak edo Zornotzan izango den Ibilaldia 2008ko materiala. Eskuz egindako produktuaz gain, bestelako jarduerak garatuko dira ere. 12:30etan Simulacro taldeak “Arte-sano” kale antzerkiaren lehen emanaldia eskainiko du. 14:00etan txorizoa dohain dastatzeko aukera izango da eta 18:00etan txokolatada Urko Mendi Taldearen eskutik. Arratsaldeko 18:30etan Simulacro taldeak bere antzezlanaren bigarren emanaldia egingo du.
Imprimatu
Informazio gehiago
Irekita dago Garapenerako Lankidetzako Dirulaguntzak eskuratzeko eskabideak aurkezteko epea
2008-04-30 11:48:44
GETXO.- Maiatzean egongo da irekita Getxoko Udalak ematen dituen Garapenerako Lankidetzako dirulaguntzak eskuratzeko eskabideak aurkezteko epea. Deialdia xede sozial nagusitzat garapenerako lankidetza duten pertsona fisiko edo juridikoei zuzenduta dago, hala nola GGKEei, erlijio-kongregazioei, fundazioei eta antzekoei; betiere, egoitza edo ordezkaritza iraunkorra Bizkaiko Lurralde Historikoan badute. Getxoko Udalak, 1992. urtetik aurrera, lankidetzako proiektuak finantzatu izan ditu. Horrela bada, bere aurrekontuen bidez 4.550.137 euro zuzendu ditu proiektu solidarioak bultzatzera.
Imprimatu
Informazio gehiago
El Diario Vasco Euskal Surf Zirkuitua asteburu honetan burutuko da
2008-04-30 09:36:08
SOPELANA.- Etengabe izan da atzeratua El Diario Vasco Euskal Surf Zirkuitua, olatu faltagatik. Azkenean, datorren maiatzaren 1ean hasiko da, berriro ere Barinatxeko hondartzan. Lehenengo jardunaldian,Open B maila lehiakideak jokatuko dute; maiatzaren 2an berriz, Open A mailakoek, alegia, zirkuituko 16 surflari onenak. Superjunior DV EHSF eta El Diario Vasco Euskal Bodyboard zirkuituetako hasiera ederra ikusita, -agian sasoialdiko bikainenak-, asteburu honetan surflariek zorte berbera izatea espero dugu. Euskal kostaldeko surflari onenak joko dute Sopelanara, goizeko 8:30tik aurrera. Hauen buru egongo da egungo txapelduna, Axier Muniain zarauztarra.
Imprimatu
Informazio gehiago
Udaltzaingoak kontrolatutako ibilgailuen %4,5en kontrako salaketa jarri du
2008-04-30 08:41:31
GETXO.- Getxoko Udaltzaingoak kontrolatutako ibilgailuen %4,5en kontrako salaketa jarri du indarrean dagoen abiadura muga ez errespetatzeagatik, aurreko igandean amaitu zen prebentzio kanpainan zehar. Ertzaintzak eta udalerri nagusietako Udaltzaingoek burututako kanpaina Euskadiko Bide Segurtasuneko 2007-2010eko Plan Estrategikoaren barruan kokatu da. Apirilaren 14tik 27ra bitartean Getxon 11 kontrol ezarri zituzten eta horietan 5.791 ibilgailu kontrolatu zituzten, 262 salaketa jarriz. Oraingoan, salaketaren berri unean bertan eman izanari garantiza eman diote, abiadura muga errespetatu ez zuten ibilgailuak kontroletan geldiaraziz.
Imprimatu
Oskorri Banda Band eta Uribe Bazterra Banda kontzertuan Sopelanan
2008-04-29 12:11:31
SOPELANA.- Bilboko Bandak aspaldi Oskorriri elkarrekin projektu bat lantzeko luzatu zion gonbitea onarturik, Oskorriren 35 urteetako errepertorioaren errepaso historiko baten inguruan, sortu zen Oskorri Banda Band Kontzertua. Beraz, Oskorri musika taldeak bere 35 Urtebetetzea, Bilboko Bandaren laguntza oso estimagarriaz, ospatu zuen, hiru kontzertu bikain eta errepikagaitzetan Arriaga Antzokian. Uztartze honetan, musikalki erronkarik handiena Oskorriren soinu berezia gorde eta Bandaren nortasuna errespetatzea zen. Oskorri eta Bandaren arteko entsaio, partituren lantze eta fintze prozesu sakon eta luzearen ondotik, dudarik gabe esan liteke emaitza harrigarria eta eredugarria suertatu zela. Zuzeneko hiru kontzertu hauek errejistratu ziren eta disko berria argitaratu zen, 'Oskorri Banda Band' tituluduna.
Imprimatu
Informazio gehiago
Gazte Bidaiak eta Uda Gaztea, udarako bi ekitaldi
2008-04-29 11:09:22
URIBE KOSTA.- Bizkaiko Foru Aldundiak Bizkaiko gazteek udan primeran pasatzeko bi ekitaldi abian jarri ditu. Alde batetik, Uda Gaztea, 14 eta 17 urte bitarteko gazteentzako udalekuak dira. Honetan, gazteek Euskadiko zenbait herrialdeetan egoteko aukera izango dute uztaila eta abuztuan zehar. Bestalde, Gazte Bidaiak, 18 eta 30 urte bitarteko gazteei zuzenduta dago, eta Bretania, Bavaria eta Eskozia ezagutzeko aukera ematen die. Izena eamteko epea maiatzaren 5an amaituko da.
Imprimatu
Informazio gehiago
Nazioarteko Dantza Eguna Getxon igande honetan
2008-04-26 09:01:44
GETXO.- Igandean, apirilak 27, Nazioarteko Dantza Eguna ospatuko da Getxon. Ospakizun hori dela eta, Getxoko dantza eskolen ikaslek koreografiak antzeztuko dituzte Algortako San Nikolas plazan, goizeko 11:30etik aurrera. Ekimena "Danza Getxo" Kultur Elkarteak antolatuta dago, Eusko Jaurlaritzaren Kultura Saila eta Getxoko Kultur Etxearen laguntzaz. Ikuskizun horretan, dantza garaikidea eta hainbat musika estilo uztartuko dira, jazza eta salsa, besteak beste. Koreografia guztiak ekitaldian parte hartzen duten akademietako irakasleek sortu dituzte.
Imprimatu
TAO zerbitzua Sopelanako hondartzetara itzuli da
2008-04-26 08:31:56
SOPELANA.- Datorren maiatzaren 1ean TAO mugatutako aparkatze zerbitzua ezarriko da berriro Sopelanako hondartzetako inguruetan. Maiatzean zerbitzua asteburuetan besterik ez da indarrean egongo. Udari dagokionez, ekainaren 1etik iralaren 30arte, zerbitzua aste osora zabalduko da.
