2010ko martxoak 18, Osteguna    

Sopelanako Udalak 68.000 euroko diru laguntzak onartzen ditu nazioarteko lankidetzarako
2006-02-07 09:21:07

Sopelanako Udalak 68.095 euro emango dizkie nazioarteko lankidetzarako laguntzetan ADECO, NUYUM, MUGARIK GABE eta EUSKAL FONDOA erakundeei, udalbatzak bere azken bileran erabaki zuen bezala. Dirulaguntzen zenbateko bat Sopelanako Nuyum elkartearentzat izango da, saharako herriaren aldeko aktibitateentzat erabiliko duena. Elkarte honek bi bidai egingo ditu Tinduffeko errefuxiatuen kanpamentuetara hurrengo hilabeteetan, laguntza humanitarioa eta sendagaiak eramateko.

Imprimatu

Informazio gehiago


Urtean zehar 200.000 pertsonek Ereagako igogailua erabiliko dutela uste da
2006-02-03 11:45:53

Urtean zehar 200.000 pertsonek gutxi gora behera erabiliko dute Ereagako igogailua, Gobernu Taldeak urteko azken sei hilabetetan izandako erabiltzaile kopurua aztertu ondoren egin dituen aurreikuspenen arabera. Getxoko Alkatearen, Iñaki Zarraoa, ustez, zenbateko hau “oso ona da, martxan jarri baino lehen Udalak aurreikusten zuen erabiltzaile kopurua urtero 80.000 pertsonetakoa baitzen, honekin gizarte errentagarritasuna lortzen zelarik, baina gaur egun erabiltzaile kopuru hau nabarmenki gainditu da”. Igogailuaren defizitari dagokionez, alkatearen esanetan “hau bezalako inbertsioak beti dira defizitarioak, baina kasu honetan garrantzitsuena eskaintzen den zerbitzua da, eta igogailuarena zerbitzu bikaina da eta oso pozik gaude berarekin”.

Imprimatu

Informazio gehiago


Bizkaiko 50.000 erabiltzaileek argi-eteteak jasan zituzten ekaitzaren ondorioz
2006-02-03 11:44:34

Iberdrola konpainiako Bizkaian izan den elur ekaitzaren ondorioz zerbitzu elektrikoan eteteak jasan dituzten 50.000 bezeroetatik 20.000k argi horniketa berreskuratu dute. Eragina handiena Lekeitio, Balmaseda, Villasana, Karranza, Sopuerta, Arratia, Dima, Zeanuri, Areatza, Urduliz eta Barrikako herrietan izan da. Iberdrolako langileek horniketa berrezartzeko beharrezkoak diren lanak egiten jarraitzen dute. Lana ez da erraza, zonalde batzuetan, baserrietan edo mendietan, sartzea zaila delako eta baldintza klimatologikoak kontrakoak direlako.

Imprimatu

Informazio gehiago


Getxoko Udalak gizarte larrialdietarako laguntzak emateko irizpideak onartzen ditu
2006-02-03 11:43:30

Getxoko Udalak Gizarte Larrialdietarako Laguntzen esleipena zuzentzen dituzten irizpideak onartu ditu 2006 urterako. Eusko Jaurlaritzak urteari dagokion zenbatekoa banatzen die Autonomi Erkidegoko herriei eta Udalak erabakitzen du laguntza horiek kudeatzeko modua, ezarritako irizpideak kontutan izanda. Hauen arabera, Udalak urtean bi edo hiru alditan aurkitutako beharren arabera banatzen ditu laguntzak, bizi-unitate bakoitzari laguntza urtean behin ematen dio eta gutxitzeko irizpidea erabiltzen du (eskatzaile bakoitzari dagokionaren portzentai bat ematen dio jende gehiago lagundu ahal izateko).

Imprimatu

Informazio gehiago


Bizkaiko Gurutze Gorriak erreskate lanetarako onzti berri bat dauka gaurtik aurrera, Basati I izenekoa
2006-01-29 20:52:16

Uribealdeako Gurutze Gorriak Basati I ontziaren uretaratzea ospatu du gaur eguerdi partean eta jadanik erreskate zein esku-hartze zereginetan parte hartuko duen itsasontzi berri bat dutela nabarmendu nahi izan dute bere jabeek ohar baten bidez. Jende zein ondareen bilaketa arinak ahalbidetuko ditu hamabi miliatan Basati I ontziak. Uretaratzea Getxoko udalerri bizkaitarreko Arriluze kaian izan da eta bertan izan dira herriko alkatean, Iñaki Zarraoa, ordezkari politikoak eta kaiko agintaritza, Itsas Salbamenduko zein Gurutze Gorriko kideak, besteak beste.

Imprimatu

Informazio gehiago


Uribe Kostak bere eskaintza turistiko handia erakusten du FITUR 2006 azokan
2006-01-27 00:10:40

Uribe Kostako turismo sektoreko ordezkari ugari parte hartzen ari da FITUR 2006 azokan, sektoreko lehenengo mundu mailako deialdi handia. FITUR Madrilen ospatuko da datorren igandera arte. Eusko Jaurlaritzak Ifemako, 1.200 m2ko azalera baino gehiago duena, 9. pabiloian kokatu duen standaren barruan, eskualdeko herriek bere bikaintasunak erakusten dizkiete bisitariei eta handizkariei. Stand hau azokan dauden Euskadiko lurralde eta udal erakunde ezberdinentzako topagunea bihurtzen da.

Imprimatu

Informazio gehiago


Kontsultak gora doaz Getxoko turismo bulegoan
2006-01-27 00:09:07

Udal turismo bulegoak 29.310 pertsonei arreta eman zien 2005. urtean zehar, aurreko urtean baino %12,39 gehiago, Getxoko Alkateak, Iñaki Zarraoa, prentsa aurrekoan eskaini dituen datuen arabera. Turismo Bulego Nagusiak 16.078 pertsona jaso zituen, bulego mugikorrak 12.345 eta Turismoko Informazio Guneak 887. Zarraoaren esanetan, “kopuru honek Getxo bisitatzen duten turisten zenbateko osoa ordezkatzen ez duen arren, bai ematen dute gure herrira hurbiltzen den turismo motari buruzko ideia bat”. Konkretuki, estatuko turismoa %31,08a handitu zen eta atzerrikoa %12a. Ohikoa denez, bisitatu gintuzten pertsona gehienak Euskaditik, Catalunyatik, Madriletik, Frantziatik eta Erresuma Batuatik zetozen eta informazio orokorra, eskatutako tokietako plano turistikoak eta Getxori buruzko informazioa eskatzeko batez ere hurbildu ziren.

Imprimatu

Informazio gehiago


Udalak eskolako matrikulazioan hizkuntz ereduaren hautaketa errazteko gida-liburua plazaratu eta Jardunaldia antolatu du
2006-01-27 00:08:26

Eskolako matrikulazio aldia gain-gainean dugula eta, Getxoko Udalak 2 eta 3 urte arteko haurren gurasoen artean gidaliburu praktikoa banatuko du, beren seme-alabentzako hizkuntz eredua aukeratzerakoan eduki ditzaketen zalantzak argitzeko asmoz. Helburu beretsuarekin, jardunaldia antolatu du urtarrilaren 26rako Fadurako Kiroldegian, irakaskuntza elebidunak dituen alderdi onak erakusteko.

Imprimatu

Informazio gehiago


Euskal surfeko festa Barrikan ospatuko da larunbata honetan
2006-01-27 00:07:44

Larunbata gauean EHSFko urteroko festa ospatuko da Barrikan. Ekitaldi honetan kirol honek pasadan urtean eman zituen momenturik onenak birpasatuko da, surfaren mundua laguntzen duten pertsonak eta surflaririk onenak saritzeaz gain. Materiala zozketatuko da, ekitaldira hurbiltzen direnek taula bat edo bidai bat Canariasera irabazi ahal izango dutelarik eta gonbidatutako publikoarentzako opariak, denboraldiko bideo laburra, askari bat eta “beste ustekaberen bat” ere egongo dira. “Jai honetan guztiak gara protagonistak”, adierazten dute federazioaren web ofizialean.

Imprimatu

Informazio gehiago


2005ean bi tona hondakin gehiago batu ziren Getxon zabortegira eramateko
2006-01-27 00:01:26

Getxoko Udalean 29.216.575 kilo hondakin batu ziren 2005ean zabortegira eramateko eta 5.222.519 kilo hondakin birziklagarri jaso ziren, Ingurumen Arloko zinegotzi Fernando Burzakok gaur eskainitako prentsaurrekoan egin duen balantzearen arabera. Honek esan nahi du bi tona hondakin inguru gehiago batu zirela zabortegira eramateko eta gainontzeko hondakinen, papera, beira edo ehunezkoen, kopurua areagotu egin zela ere, 2004koarekin alderatuta. Ingurumeneko zinegotziaren esanetan, “Getxok birziklai maila handia lortu du, baina oraindik lanean jarraitu beharra dago, Europako hainbat hirietan batutakoaren azpitik gaudelako”. Honekin batera, zinegotziak dei egin die herritarrei “emandako aholkuak aintzat hartzeko, hau da, hondakinak zein bere edukiontzian sartu, papera edukiontzietatik kanpo ez uztea edo beira gau edo goizaldean ez botatzea”.

Imprimatu

Informazio gehiago


Zinegoak Jaialdiaren hirugarren edizioa Getxora, Sopelanara, Berangora eta Leioara ailegatuko da
2006-01-18 13:22:30

Zinegoak 06 Jaialdiaren, Bilbaoko Gay-Lesbo/Trans zinearen Nazioarteko Jaialdia, atal bat Sopelana, Berango, Galdakao, Getxo, Leioa, Portugalete eta Sestao bezalako bizkaiko beste herrietan ere ikusi ahal izango da urtarrilaren 23tik 27ra, laburmetraien, dokumentalen eta luzemetraien sorta bat eskainiko direlarik. Jaialdia, Hegoak elkarteak antolatutakoa, urtarrilaren 17tik 27ra izango da bizkaiko hiriburuan, aurreko edizioetan baino pelikula eta emanaldi gehiagorekin. Horrela, Zinegoak 06k 56 pelikula eskainiko ditu guztira, hauetatik 11 luzemetraiak, 33 laburmetraiak eta 11 dokumentalak direlarik.

Imprimatu

Informazio gehiago


“Getxo Ekinean II” egitasmoa abiatu da Foru Aldundiko eta Europako Gizarte Funtsaren laguntzarekin
2006-01-18 13:22:07

Getxoko Udalak, Europako Gizarte Funtsaren, Foru Aldundiaren eta udala beraren dirulaguntzarekin “Getxo Ekinean II” egitasmoa martxan jarri du, 2006ko urtarrila eta 2007ko uztailaren 25a bitartean aurrera eramango dena. Ekimen hau jadanik garatu diren “Enplegua Indartzen”, “Enplegua Indartzen Plus” eta “Getxo Ekinean” proiektuen jarraipena da eta 70 pertsona inguru parte hatuko dutela aurreikusten da.Lehenengo deialdian bezala, “Getxo Ekinean II” egitasmoaren helburua langabezian dauden pertsonen laneratzea da, ondorengo lanbide arloetan: Umeentzako, Nagusientzako eta Menpeko Pertsonentzako Zerbitzuak.

Imprimatu

Informazio gehiago


Sopelanako David Perez Hawaiin nabarmentzen da
2006-01-18 13:13:19

Egun hauetan Hawaii munduko surflari eta “bodyboarder” onenen topalekua bezala aurkezten da. Oraingo honetan, gure nazioarteko ordezkari onena, Sopelanako David Perez, egungo europako txapelduna eta 2004ko munduko txapelduna, berriro gailendu da Mauiko irlan. Rockstar Games Honolua Bay Pro txapelketa zen, lehenengo ekitalditik baldintza ezinhobeak izan zituena, 2 metroko olatu perfektuak eta tubularrak, munduko “bodyboarder” onenek haien trebetasuna erakutsi ahal izan zutelarik. Hauen artean, Davidek final laurdenetara arrakastarekin hurbildu zen, beste “bodyboarder” bikain baten kontra lehiatuz, Damian King. Biek zuzendu zuten lehenengo txandatik ia-ia amaierara arte. Momentu horretan, kalterik egitea ezinezkoa zirudien John Showell, bi faboritoetatik distantzia handira zegoena, hodi perfektu batekin nabarmentzen zen azken momentuan, epaileek 10 bat eman ziotelarik. Davidek ez zuen izan halako kalifikazioari erantzuteko aukera eta, diferentzia txikiagatik, hirugarren lekuarekin konformatu behar izan zen, King-en atzean.

Imprimatu

Informazio gehiago


Erika Fanori elkarrizketa. Atleta
2006-01-18 11:27:03

Sopelanako Erika Fano gaztea tituluak eta dominak batzen joan da hamabi urterekin atletismoko txapelketetan parte hartzen hasi zenetik. Gaur egun bere Ingeniaritza Industrialeko ikasketak eta bere entrenamenduak Zorrotzam tartekatzen ditu. Pasadan udan Espainiako Txapelketa Absolutuan 3. tokia lortu zuen eta Euskadiko txapelduna izan da zenbait alditan.

Imprimatu

Informazio gehiago


Getxoko Udalak hitzarmena berritzen du Euskadiko Energiaren Erakundearekin
2006-01-11 00:30:01

Getxoko Udalak eta EEE- Euskadiko Energiaren Erakundeak 2006an herrian energia eta energia berriztagarriak arrazoizko eran erabiltzeko hitzarmena berriztu dute duela gutxi. Akordio honen arabera, EEEk Getxoko Udalari aipatutako esparruan 2006rako udal Jokaera Planari buruzko aholkularitza zerbitzua eskaintzen dio, jokabide lekuak iradokitzen dizkio eta Foru Aldundiko, Eusko Jaurlaritzako, Estatuko Gobernuko eta Europar Batasuneko diru laguntzak lortzeko informazioa batzen du eta izapideak burutzen ditu. Udalak 30.000 euroko zenbatekoa emango du Jokaera Planaren garapenerako.

Imprimatu

Informazio gehiago


Udalak herriko eta lau udal etxeetako larrialdietarako egitasmoa gaurkotzeko lanak agindu ditu
2006-01-11 00:21:41

Getxoko Udalak Larrialdietarako udal Egitasmoaa gaurkotu eta udal etxeen larrialditarako planak ikuskatzeko aholkularitza eta laguntzarako kontratua esleitu du, 24.243€tan. Larrialdietarako plana gaurkotzeaz arduratuko den enpresak udalerrian dauden arriskuen ganeko azterketa egingo du, uholde eta gai arriskutsuen garraioaren arriskuen eta baita basoetako arriskuen ganekoa, hain zuzen ere.

Imprimatu

Informazio gehiago


Getxoko PSE-EEk Portu Zaharreko berkalifikazioa salatzea aztertzen du
2006-01-11 00:19:02

Getxoko udalbatzak Hirigintzako Ordenatzeko Plan orokorra aldatzea erabaki zuen, Portu Zaharreko betegarrian kokatutako udal lursorua jabetasun publiko izatetik pribatu izatera pasatuz. Honen ondorioz, Sozialisten bozeramaileak Getxoko Udalan, Luis Almansa, bere alderdia akordio hau administrazioarekiko auzi-bidean “helegitea aurkeztea aztertzen ari dela” iragarri zuen. Almansak adierazpen hau ezagutarazi du abenduaren 27ko udalbatzan EAJ-EA eta EB alderdiek osatutako gobernu taldeak proposamena aurkeztu ondoren, sozialisten eta popularren kontrako botoekin, Portu Zaharreko lursailen jabetza publikoaren kalifikazioa kentzeko. “Arrazoi bakarra Udalak zonalde horretan mota horretako aktibitateak garatzeko asmorik ez duela da”. Bozeramaile sozialistak aipatutako akordioa “Administrazio Prozesuaren Legea” betetzen ez duela mantentzen du, “hau bezalako ekintza administratiboak justifikatuak izatea eskatzen duelako”.

Imprimatu

Informazio gehiago


ERREGEEN DESFILEAK BI ZATIKO
2006-01-04 16:36:46

Ostegunean, urtarrilak 5, Erregeen Desfilea berriz aterako da Getxoko kaleetara. 18:00etatik aurrera, zortzi karrozek, lau fanfarrek eta fantasiako tren batek hasiko dute bi zatiko ibilbidea; lehenengoa, Andra Mariko eta Algortako auzoetan, eta, bigarrena, Areetan eta Romon. Aurten bi tona gozoki banatuko dira desfilean zehar. Desfilearen lehenengo zatia Andra Mariko Kiroldegian hasiko da eta auzo hau zeharkatuko du. Honen ondoren, Algortara pasatuko da, Maidagan kalean, Aingeruko etorbidean, Algortako etorbidean, Telletxe kalean eta, berriz ere, Algortako etorbidean zehar, Kasinoaren aurrean amaitzeko. Lehenengo ibilbide hau amaitu eta gero, Erregeak Getxo Antzokira joango dira txikitxoenekin mintzatzeko.

Imprimatu

Informazio gehiago


Qatar-go enpresa batek luxuzko gurutzaldietarako kaia kokatu nahi du Sopelanan, turismo arabiarra erakarriz
2005-12-28 01:55:00

Luxuzko turismoa Uribe Kosta osotik zabalduko da, UKDigitalak jain ahal izan duenez enpresa arabiar batek Sopelanako Atxabiribil hondartzan erosteko ahalmen handiko gurutzaldietarako kaia handi bat eraikitzea aztertzen ari da. Proiektuak, egunkari honek ezagutu dituen dokumentuen arabera, itsasoari lekua irabazteko zuzendutako azpiegitura ezberdinen eraikuntza barneratzen du, gure kostaldera datozen turista arabiarren aisialdi eta gozamenerako. Irudian, Qatar-go Merkataritza Ganbarako ordezkaria eta azterketa burutzen ari den Bermeoko aholkularitza enpresako zuzendaria, akordioa sinatzen.

Imprimatu

Informazio gehiago


Ekitaldiak Olentzerori ongietorria emateko Geton
2005-12-22 14:02:34

Urtero bezala, Getxoko Udalak eta herriko auzo ezberdinetako komisioek ekitaldi eta aktibitate ugari antolatu dituzte Olentzeroren etorrera ospatzeko. Horrela, ostiralara arte, abenduak 23, Areetako eta Algortako Geltokietako plazetan kokaturiko bi Olentzerok umeen gutunak jasoko dituzte. Aldi berean, auzoen erdiguneetatik kalegirak egongo dira, egun hauetan Getxoko Antzerki Eskolak “Mari Domingi eta Olentzero” antzezlana herriko ikasleei eskaintzen dien bitartean.

Imprimatu

Informazio gehiago

Goiz Argi Zerbitzuak S.L CIF: B95214276 Bizkaia